കഴിഞ്ഞ ദിവസം ടീം പ്രഖ്യാപനസമയത്താണ് റിച്ചാ ഘോഷിനെ ടീമില്‍ ഉള്‍പ്പെടുത്താത്തതിന്റെ കാരണം ബിസിസിഐ വ്യക്തമാക്കിയത്. ഒക്ടോബര് 24,27,29 തീയ്യതികളില്‍ അഹമ്മദാബാദിലാണ് 3 മത്സരങ്ങളടങ്ങുന്ന പരമ്പര. അതേസമയം ടീം ക്യാപ്റ്റന്‍ സ്ഥാനത്ത് ഹര്‍മന്‍ പ്രീത് കൗറിനെ നിലനിര്‍ത്തി. ടി20 ലോകകപ്പില്‍ ഇന്ത്യന്‍ വനിതാ സംഘം ഗ്രൂപ്പ് ഘട്ടത്തില്‍ പുറത്തായതോടെ ഹര്‍മനെ ക്യാപ്റ്റന്‍ സ്ഥാനത്ത് നിന്നും പുറത്താക്കുമെന്ന് റിപ്പോര്‍ട്ടുകളുണ്ടായിരുന്നു. പരിക്ക് കാരണം മലയാളി താരം ആശ ശോഭനയെ ടീമിലേക്ക് പരിഗണിച്ചില്ല. ടി20 ലോകകപ്പിനിടെ പരിക്കേറ്റ ഓള്‍ റൗണ്ടര്‍ പൂജ വസ്ത്രാകറിനും വിശ്രമം അനുവദിച്ചിട്ടുണ്ട്.
