ശ്രീലങ്കയ്‌ക്കെതിരായ ഏകദിന, ടി 20 പരമ്പരയില്‍ സഞ്ജു സാംസണ്‍ പുറത്തിരിക്കാന്‍ സാധ്യത. ഒന്നാം വിക്കറ്റ് കീപ്പര്‍ ബാറ്റ്‌സ്മാന്‍ എന്ന നിലയില്‍ ടീം ഇന്ത്യ പരിഗണിക്കുന്നത് ഇഷാന്‍ കിഷനെയാണ്. സഞ്ജുവിനേക്കാള്‍ സ്ഥിരതയുള്ള പ്രകടനം കാഴ്ചവയ്ക്കാന്‍ ഇഷാന്‍ കിഷന് സാധിക്കുമെന്നാണ് വിലയിരുത്തല്‍. ഇതിന്റെ അടിസ്ഥാനത്തിലാണ് ആദ്യ മത്സരങ്ങളില്‍ ഇഷാന്‍ കിഷന് നറുക്കുവീണിരിക്കുന്നത്. ആദ്യ മത്സരങ്ങളില്‍ ഇഷാന്‍ പരാജയപ്പെട്ടാല്‍ സഞ്ജുവിന് അവസരം ലഭിക്കും. സഞ്ജുവിനേക്കാള്‍ ഇഷാന്‍ കിഷനായിരിക്കും ഭേദപ്പെട്ട പ്രകടനം നടത്തുകയെന്ന് കഴിഞ്ഞ ദിവസം സഞ്ജയ് മഞ്ജരേക്കര്‍ അഭിപ്രായപ്പെട്ടിരുന്നു. എന്നാല്‍, ഏകദിനത്തില്‍ സഞ്ജുവിനെയും ടി 20 യില്‍ ഇഷാന്‍ കിഷനെയും പരീക്ഷിക്കണമെന്ന അഭിപ്രായവും ടീം സെലക്ടേഴ്‌സിനിടയില്‍ ഉയര്‍ന്നുവന്നിട്ടുണ്ട്.
