മത്സരത്തിൽ നിർണായകമായ 3 വിക്കറ്റ് നേടുന്നതിനൊപ്പം 17 പന്തിൽ നിന്നും 33 റൺസ് നേടി പുറത്താവാതെ നിന്ന ഹാർദിക് പാണ്ഡ്യയുടെ പ്രകടനമാണ് ഇന്ത്യൻ വിജയത്തിൽ പ്രധാനമായത്. മത്സരത്തിൽ നാലാമനായി ഇറങ്ങിയ രവീന്ദ്ര ജഡേജ 29 പന്തിൽ 35 റൺസുമായി ഹാർദ്ദിക്കിന് മികച്ച പിന്തുണ നൽകിയിരുന്നു. മത്സരശേഷമാണ് ജഡേജയ്ക്കെതിരായ വിമർശനങ്ങൾ സ്ഥിരമായി നടത്താറുള്ള സഞ്ജയ് മഞ്ജരേക്കറുമായി രസകരമായ നിമിഷങ്ങളുണ്ടായത്.
മത്സരശേഷം ജഡേജയെ ഇൻ്റർവ്യൂ ചെയ്യുകയായിരുന്നു സഞ്ജയ് മഞ്ജരേക്കർ. ജഡേജയോടുള്ളമഞ്ജരേക്കറുടെ ചോദ്യം ഏറെ വൈറലായി. ''നിങ്ങള്‍ക്ക് എന്നോട് സംസാരിക്കുന്നതില്‍ ഓക്കേ അല്ലേ, ജഡ്ഡു? ഇതായിരുന്നു മഞ്ജരേക്കറുടെ ആദ്യ ചോദ്യം. അതേ തീർച്ചയായും എന്നായിരുന്നു ജഡേജയുടെ മറുപടി. വീഡിയോ സോഷ്യൽ മീഡിയയിൽ വൈറലായിരിക്കുകയാണ്.
