62 പന്തില്‍ ഏഴ് ഫോറും അഞ്ച് സിക്‌സും സഹിതം 90 റണ്‍സുമായി പുറത്താകാതെ നിന്ന നമാന്‍ ഓജയാണ് ഇന്ത്യയുടെ വിജയശില്‍പ്പി. ഒരറ്റത്ത് വിക്കറ്റുകള്‍ വീണപ്പോഴും ഓജ ക്രീസില്‍ നങ്കൂരമിട്ടു. അവസാന ഓവറുകളില്‍ തകര്‍ത്തടിച്ച ഇര്‍ഫാന്‍ പത്താനും ഇന്ത്യയുടെ വിജയത്തില്‍ നിര്‍ണായക പങ്ക് വഹിച്ചു. പത്താന്‍ വെറും 12 പന്തില്‍ രണ്ട് ഫോറും നാല് സിക്‌സും സഹിതം 37 റണ്‍സ് നേടി പുറത്താകാതെ നിന്നു. സച്ചിന്‍ ടെന്‍ഡുല്‍ക്കര്‍ (10), സുരേഷ് റെയ്‌ന (11), യുവരാജ് സിങ് (18) എന്നിവര്‍ക്ക് കാര്യമായി തിളങ്ങാനായില്ല.
