മികച്ച ഫോമിലുള്ള ഫിലിപ്സിന്റെ വരവ് ബട്ട്‌ലറുടെ അഭാവം നികത്തുമെന്നാണ് കരുതുന്നത്. 25 രാജ്യാന്തര മത്സരങ്ങളില്‍ നിന്ന് 506 റണ്‍സാണ് ഗ്ലെന്‍ ഫിലിപ്സിന്റെ സമ്പാദ്യം. ഐപിഎൽ ആദ്യഘട്ടത്തിൽ രാജസ്ഥാനായി ഏഴ് മത്സരങ്ങളില്‍ 254 റണ്‍സാണ് ബട്ട്‌ലർ നേടിയത്. സൺ‌റൈസേഴ്‌സ് ഹൈദരാബാദിനെതിരായ സെഞ്ചുറിയും ഇതിൽ ഉൾപ്പെടുന്നു. ബട്ട്‌ലറെ കൂടാതെ മറ്റൊരു സൂപ്പർ താരമായ ജോഫ്ര ആർച്ചറും ഐപിഎല്ലിൽ നിന്നും പിന്മാറിയിരുന്നു.
ബയോ ബബിളിൽ നിൽക്കേണ്ട കാരണത്തെ തുടർന്ന് മറ്റൊരു ഇംഗ്ലണ്ട് താരമായ ലിയാം ലിവിങ്‌സ്റ്റൺ കഴിഞ്ഞ സീസണിൽ നിന്നും മടങ്ങിയിരുന്നു. ഡേവിഡ് മില്ലര്‍, മുസ്തഫിസുര്‍ റഹ്‌മാന്‍, ക്രിസ് മോറിസ് എന്നിവര്‍ മാത്രമാണ് നിലവില്‍ രാജസ്ഥാന്‍ റോയല്‍സിലുള്ള മറ്റു വിദേശ താരങ്ങള്‍.
