ദക്ഷിണാഫ്രിക്കയ്‌ക്കെതിരായ ടെസ്റ്റ് പരമ്പര കൈപ്പിടിയിൽ ആക്കിയതോടെ ഐസിസിയുടെ ലോക ടെസ്റ്റ് ചാംപ്യന്‍ഷിപ്പില്‍ ഇന്ത്യ എതിരാളികളെ ബഹുദൂരം പിന്നിലാക്കിയിരിക്കുകയാണ്. 137 റണ്‍സിനാണ് രണ്ടാം ടെസ്റ്റിൽ ഇന്ത്യൻ എതിരാളികളെ മലർത്തിയടിച്ചത്. ഇതോടെ മൂന്നു ടെസ്റ്റുകളുടെ പരമ്പരയില്‍ ഇന്ത്യ 2-0ന്റെ ലീഡും സ്വന്തമാക്കുകയായിരുന്നു.
വെറും നാലു ടെസ്റ്റുകളില്‍ നിന്നും ഇന്ത്യക്കു ഇപ്പോള്‍ 200 പോയിന്റുണ്ട്. രണ്ടാം സ്ഥാനത്തു നില്‍ക്കുന്ന ന്യൂസിലാന്‍ഡും ശ്രീലങ്കയും ഇന്ത്യയേക്കാള്‍ 140 പോയിന്റിനു പിറകിലാണ്. ഇരുടീമുകള്‍ക്കും രണ്ടു ടെസ്റ്റുകളില്‍ നിന്നും 60 പോയിന്റ് വീതമാണുള്ളത്. അഞ്ചു ടെസ്റ്റുകളില്‍ നിന്നും 56 പോയിന്റ് വീതമുള്ള ഓസ്‌ട്രേലിയയും ഇംഗ്ലണ്ടുമാണ് തുടര്‍ന്നുള്ള സ്ഥാനങ്ങളില്‍.
