ദക്ഷിണാഫ്രിക്ക ഭയന്നത് തന്നെ സംഭവിച്ചു. ഇന്ത്യൻ ബാറ്റ്സ്മാന്മാരും ബോളർമാരും ഒരുപോലെ തകർത്താടുന്ന കളിയിൽ എവിടെ തുടങ്ങണം, തുടരണം എന്ന കാര്യത്തിൽ വ്യക്തതയില്ലാതെ ദക്ഷിണാഫ്രിക്കൻ താരങ്ങൾ. ഇന്ത്യയ്‌ക്കെതിരെ രണ്ടാം ക്രിക്കറ്റ് ടെസ്റ്റില്‍ ദക്ഷിണാഫ്രിക്കയ്ക്ക് ബാറ്റിംഗ് തകര്‍ച്ച.
76 പന്തില്‍ എട്ട് ഫോറും ഒരു സിക്‌സും സഹിതം 52 റണ്‍സാണ് ഡുപ്ലെസിസ് ഇതുവരെ നേടിയിട്ടുളളത്. ആറ് റണ്‍സുമായി മുത്തുസ്വാമിയാണ് ഡുപ്ലെസിസിന് കൂട്ടായി ക്രീസിലുള്ളത്. ഇന്ത്യയ്ക്കായി ഉമേശ് യാദവ് മൂന്നും മുഹമ്മദ് ഷമി രണ്ടും അശ്വിന്‍ ഒരു വിക്കറ്റും വീഴ്ത്തി. നേരത്തെ വിരാട് കോഹ്ലിയുടെ ഡബിള്‍ സെഞ്ച്വറിയും മായങ്ക് അഗര്‍വാളിന്റെ സെഞ്ച്വറിയുടേയും സഹായത്തോടെയാണ് ഇന്ത്യ ഒന്നാം ഇന്നിംഗ്‌സില്‍ അഞ്ച് വിക്കറ്റിന് 601 റണ്‍സെടുത്തത്.
