എന്നാല്‍ ഒരു കളി തോല്‍ക്കുകയും ഒരു കളി ജയിക്കുകയും ചെയ്താല്‍ മുംബൈയുടെ കാര്യങ്ങള്‍ പരുങ്ങലിലാകും. കാരണം മുംബൈയുടെ നെറ്റ് റണ്‍റേറ്റ് വളരെ കുറവാണ്. ഇപ്പോള്‍ -0117 ആണ് മുംബൈയുടെ നെറ്റ് റണ്‍റേറ്റ്. ഒരു കളിയില്‍ തോറ്റാല്‍ മുംബൈയുടെ പോയിന്റ് 16 ആയി നില്‍ക്കും. ലഖ്‌നൗ, ബാംഗ്ലൂര്‍ എന്നീ ടീമുകള്‍ ശേഷിക്കുന്ന രണ്ട് കളികളും ചെന്നൈ ശേഷിക്കുന്ന ഒരു കളിയും ജയിച്ചാല്‍ മുംബൈ പ്ലേ ഓഫ് കാണാതെ പുറത്താകും. അതുകൊണ്ട് ലഖ്‌നൗവിനെതിരായ കളി തോല്‍ക്കുന്നത് മുംബൈ ഇന്ത്യന്‍സിന് വലിയ തിരിച്ചടിക്ക് കാരണമാകും.
