തുടക്കം മുതല് ആക്രമിച്ചു കളിക്കുകയായിരുന്നു കൊല്ക്കത്ത. സുനില് നരെയ്നും (22 പന്തില് 47), ഫിലിപ്പ് സാള്ട്ടും (20 പന്തില് 30) ചേര്ന്ന് കൊല്ക്കത്തയ്ക്ക് മികച്ച തുടക്കം സമ്മാനിച്ചു. പിന്നാലെ വന്ന വെങ്കടേഷ് അയ്യര് 30 പന്തില് മൂന്ന് ഫോറും നാല് സിക്സും സഹിതം 50 റണ്സ് നേടി. നായകന് ശ്രേയസ് അയ്യര് 24 പന്തില് 39 റണ്സുമായി പുറത്താകാതെ നിന്നു. ആര്സിബിയുടെ പ്രധാന ബൗളറായ മുഹമ്മദ് സിറാജ് മൂന്ന് ഓവറില് 46 റണ്സാണ് വഴങ്ങിയത്.
