പരുക്കില്‍ നിന്ന് പൂര്‍ണ മുക്തനാകാത്ത മുഹമ്മദ് ഷമി ഇംഗ്ലണ്ടിനെതിരായ ടെസ്റ്റ് പരമ്പര കളിക്കില്ല. വിരാട് കോലിയും പുറത്ത് തന്നെ. മൂന്നാം ടെസ്റ്റ് മുതല്‍ കോലി കളിച്ചേക്കുമെന്നാണ് നേരത്തെ പുറത്തുവന്നിരുന്ന വാര്‍ത്ത. എന്നാല്‍ ഈ പരമ്പരയിലെ എല്ലാ മത്സരങ്ങളും താരത്തിനു നഷ്ടമാകും. 'കുടുംബത്തിലെ അത്യാവശ്യത്തിനു വേണ്ടിയാണ് കോലി അവധിയെടുത്തിരിക്കുന്നത്' എന്നാണ് ബിസിസിഐ നല്‍കുന്ന വിശദീകരണം. ആദ്യ രണ്ട് ടെസ്റ്റ് മത്സരങ്ങള്‍ക്ക് സ്‌ക്വാഡില്‍ ഉണ്ടായിരുന്ന ശ്രേയസ് അയ്യരും ആരോഗ്യം മോശമായതിനെ തുടര്‍ന്ന് ശേഷിക്കുന്ന മത്സരങ്ങള്‍ക്കുള്ള സ്‌ക്വാഡില്‍ നിന്ന് പുറത്തായി.
