ചെന്നൈയെ കണ്ടാൽ കലിയടങ്ങില്ല, ടെക്സാസ് സൂപ്പർ കിംഗ്സിനെതിരെ അടിച്ചു തകർത്ത് പൊള്ളാർഡ്, കൂട്ടിന് നിക്കോളാസ് പുറാനും
ചെന്നൈ ഉയര്‍ത്തിയ 166 റണ്‍സ് വിജയലക്ഷ്യം പിന്തുടര്‍ന്ന എം ഐ ന്യൂയോര്‍ക്കിന്റെ തുടക്കം തകര്‍ച്ചയോടെയായിരുന്നു. ക്വിന്റണ്‍ ഡികോക്കും മൈക്കല്‍ ബ്രേസ്വലും തുടക്കത്തിലെ പുറത്തായെങ്കിലും 49 റണ്‍സുമായി ക്യാപ്റ്റന്‍ മോനാങ്ക് പട്ടേലും പുറത്താകാതെ 52 റണ്‍സുമായി നിക്കോളാസ് പുറാനും മികച്ച പ്രകടനമാണ് നടത്തിയത്. മത്സരം പൂര്‍ണമായും എം ഐ ന്യൂയോര്‍ക്കിന്റെ വരുതിയിലാക്കിയത് അവസാന ഓവറുകളില്‍ കിറോണ്‍ പൊള്ളാര്‍ഡ് നടത്തിയ വെടിക്കെട്ട് പ്രകടനമായിരുന്നു. 22 പന്തില്‍ 47 റണ്‍സുമായി പൊള്ളാര്‍ഡ് പുറത്താകാതെ നിന്നു.
