ഇംഗ്ലണ്ടിനെതിരായ ലോര്‍ഡ്‌സ് ക്രിക്കറ്റ് ടെസ്റ്റില്‍ സെഞ്ചുറി നേട്ടം സ്വന്തമാക്കിയതിന് പിന്നാലെ ഓപ്പണിംഗ് താരം കെ എല്‍ രാഹുല്‍ പുറത്ത്. മത്സരത്തില്‍ ആദ്യം ബാറ്റ് ചെയ്ത ഇംഗ്ലണ്ട് 387 റണ്‍സാണ് നേടിയത്. മറുപടി ബാറ്റിങ്ങിനിറങ്ങിയ ഇന്ത്യയുടെ തുടക്കം മികച്ചതായിരുന്നില്ലെങ്കിലും നാലാം വിക്കറ്റില്‍ ഒത്തുചേര്‍ന്ന കെ എല്‍ രാഹുല്‍- റിഷഭ് പന്ത് കൂട്ടുക്കെട്ട് ഇന്ത്യയെ ശക്തമായ നിലയിലെത്തിച്ചിരുന്നു. എന്നാല്‍ ലഞ്ചിന് പിരിയുന്നതിന് തൊട്ടുമുന്‍പായി റിഷഭ് പന്തിനെയും ലഞ്ച് സമയം കഴിഞ്ഞതിന് തൊട്ടുപിന്നാലെ സെഞ്ചുറി നേടിയ കെ എല്‍ രാഹുലിനെയും ഇന്ത്യയ്ക്ക് നഷ്ടപ്പെട്ടു.
