ടെസ്റ്റ് ക്രിക്കറ്റില് പുത്തന് താരോദയമായി ശ്രീലങ്കന് താരമായ കമിന്ഡു മെന്ഡിസ്. ടെസ്റ്റ് ക്രിക്കറ്റിലെ തന്റെ എട്ടാം മത്സരത്തില് അന്താരാഷ്ട്ര ക്രിക്കറ്റില് 900 റണ്സ് പിന്നിട്ടിരിക്കുകയാണ് താരം. 13 ഇന്നിങ്ങ്സുകളില് നിന്നും 5 സെഞ്ചുറി ഉള്പ്പടെയാണ് ശ്രീലങ്കന് താരത്തിന്റെ നേട്ടം. ന്യൂസിലന്ഡിനെതിരായ രണ്ടാം ക്രിക്കറ്റ് ടെസ്റ്റിലും സെഞ്ചുറി തികച്ചതോടെയാണ് 900 റണ്സ് എന്ന നാഴികകല്ലില് താരം എത്തിയത്.
