ടി20 ലോകകപ്പിന്റെ ചരിത്രത്തില്‍ ഒരൊറ്റ മത്സരത്തിലും പരാജയപ്പെടാതെ ആദ്യമായി ലോകകപ്പ് സ്വന്തമാക്കുന്ന ടീമായി ഇന്ത്യ. ലോകകപ്പിലെ ഗ്രൂപ്പ് മത്സരങ്ങളില്‍ കാര്യമായ എതിരാളികള്‍ ഇന്ത്യയ്ക്കുണ്ടായിരുന്നില്ല. വെല്ലുവിളി ഉയര്‍ത്തുമെന്ന് കരുതിയിരുന്ന ഓസ്‌ട്രേലിയക്കെതിരെ നായകന്‍ രോഹിത് ശര്‍മ സംഹാരരൂപിയായപ്പോള്‍ ആ വെല്ലുവിളിയും ഇന്ത്യ എളുപ്പത്തില്‍ മറികടന്നു. ഇംഗ്ലണ്ടിനെ സ്പിന്നര്‍മാര്‍ വരിഞ്ഞുമുറുക്കിയപ്പോള്‍ അനായാസകരമായിരുന്നു ഇന്ത്യയുടെ ഫൈനല്‍ പ്രവേശനം.
