സൂപ്പര്‍ എട്ടിലെ ആദ്യ പോരാട്ടത്തില്‍ അഫ്ഗാനിസ്ഥാനെ പരാജയപ്പെടുത്തി രണ്ടാമത്തെ സൂപ്പര്‍ എട്ട് പോരാട്ടത്തിനൊരുങ്ങുകയാണ് ഇന്ത്യ. ഇതുവരെ കളിച്ച ഒരു മത്സരങ്ങളിലും പരാജയം നേരിട്ടിട്ടില്ലെങ്കിലും സൂപ്പര്‍ 8ന് ശേഷം സെമി ഫൈനല്‍, ഫൈനല്‍ മത്സരങ്ങള്‍ നടക്കും എന്നതിനാല്‍ തന്നെ നിലവിലെ ഇന്ത്യന്‍ ടീമിന്റെ മുന്‍നിര തകരുന്നത് ആരാധകര്‍ക്ക് ആശങ്ക നല്‍കുന്നതാണ്. നായകനായ രോഹിത് ശര്‍മയും ഓപ്പണര്‍ വിരാട് കോലിയും ഇതുവരെ ഫോമിലേക്ക് വന്നിട്ടില്ല എന്നത് നോക്കൗട്ട് ഘട്ടത്തില്‍ ടീമിന് വിനയാകുമെന്നാണ് ക്രിക്കറ്റ് വിദഗ്ധര്‍ പറയുന്നത്.
