India vs Sri Lanka 1st ODI: ഇന്ത്യ-ശ്രീലങ്ക ഏകദിന പരമ്പരയ്ക്കു ഇന്നു തുടക്കം. മൂന്ന് മത്സരങ്ങളുടെ പരമ്പരയിലെ ആദ്യ മത്സരം കൊളംബോയിലെ പ്രേമദാസ സ്റ്റേഡിയത്തില്‍ ഇന്ത്യന്‍ സമയം ഉച്ചയ്ക്കു 2.30 ന് ആരംഭിക്കും. ട്വന്റി 20 പരമ്പര തൂത്തുവാരിയ ശേഷമാണ് ഇന്ത്യന്‍ ടീം ഏകദിന പരമ്പരയ്ക്കായി ഇറങ്ങുന്നത്.
രോഹിത് ശര്‍മ നയിക്കുന്ന ഇന്ത്യന്‍ ടീമില്‍ വിരാട് കോലി, കെ.എല്‍.രാഹുല്‍ എന്നീ സീനിയര്‍ താരങ്ങളും കളിക്കുന്നുണ്ട്. ചരിത് അസലങ്കയാണ് ശ്രീലങ്കയെ നയിക്കുന്നത്. സോണി സ്‌പോര്‍ട്‌സ് ചാനലുകളിലും സോണി ലിവ് ഒടിടി പ്ലാറ്റ്‌ഫോമിലും മത്സരം തത്സമയം കാണാം.