ഡബ്ലിനില്‍ നടന്ന രണ്ടാം ട്വന്റി 20 മത്സരത്തില്‍ ആദ്യം ബാറ്റ് ചെയ്ത ഇന്ത്യ നിശ്ചിത 20 ഓവറില്‍ ഏഴ് വിക്കറ്റ് നഷ്ടത്തില്‍ 225 റണ്‍സ് നേടി. മറുപടി ബാറ്റിങ്ങില്‍ അയര്‍ലന്‍ഡും തകര്‍ത്തടിച്ചു. 20 ഓവറില്‍ അഞ്ച് വിക്കറ്റ് നഷ്ടപ്പെടുത്തി 221 റണ്‍സ് അയര്‍ലന്‍ഡ് നേടി. നായകന്‍ ആന്‍ഡ്രു ബല്‍ബിര്‍നി (37 പന്തില്‍ 60), പോള്‍ സ്റ്റിര്‍ലിങ് (18 പന്തില്‍ 40), ഹാരി ടെക്ടര്‍ (28 പന്തില്‍ 39), ജോര്‍ജ് ഡോക്‌റെല്‍ (16 പന്തില്‍ പുറത്താകാതെ 34), മാര്‍ക് അദെര്‍ (12 പന്തില്‍ പുറത്താകാതെ 23) എന്നിവര്‍ അയര്‍ലന്‍ഡിന് വേണ്ടി വെടിക്കെട്ട് പ്രകടനം നടത്തി. രണ്ട് ഓവറില്‍ 12 റണ്‍സ് മാത്രം വഴങ്ങിയ അക്ഷര്‍ പട്ടേല്‍ ഒഴികെ എല്ലാ ഇന്ത്യന്‍ ബൗളര്‍മാരും കണക്കിനു അടി വാങ്ങി.
