'വായടച്ച് നിന്ന് ബാറ്റ് ചെയ്യൂ'; ബെയര്‍‌സ്റ്റോയെ ചൊറിഞ്ഞ് കോലി, സെഞ്ചുറി കൊണ്ട് മറുപടി കൊടുത്ത് ബെയര്‍‌സ്റ്റോ (വീഡിയോ)

ഇന്ത്യ-ഇംഗ്ലണ്ട് എഡ്ജ്ബാസ്റ്റണ്‍ ടെസ്റ്റിനിടെ നാടകീയ രംഗങ്ങള്‍. ഇംഗ്ലണ്ട് ബാറ്റര്‍ ജോണി ബെയര്‍‌സ്റ്റോയെ ഇന്ത്യന്‍ താരം വിരാട് കോലി സ്ലെഡ്ജ് ചെയ്തതാണ് വലിയ വാര്‍ത്താപ്രാധാന്യം നേടിയത്. ഇതിന്റെ വീഡിയോയും പുറത്തുവന്നിട്ടുണ്ട്. 

It's tense out there between Virat Kohli and Jonny Bairstow #ENGvIND pic.twitter.com/3lIZjERvDW

— Sky Sports Cricket (@SkyCricket) July 3, 2022

ഇന്ത്യക്കായി മുഹമ്മദ് ഷമി പന്തെറിയുമ്പോഴായിരുന്നു സംഭവം. ആ സമയത്ത് ഇംഗ്ലണ്ട് 97-5 എന്ന നിലയില്‍ പരുങ്ങുകയായിരുന്നു. 13 റണ്‍സുമായി ബെയര്‍‌സ്റ്റോയും 11 റണ്‍സുമായി ഇംഗ്ലണ്ട് നായകന്‍ ബെന്‍ സ്റ്റോക്‌സുമായിരുന്നു ക്രീസില്‍. രണ്ടാം ദിനം ഇന്ത്യന്‍ ബൗളര്‍മാരെ നേരിടാന്‍ ബുദ്ധിമുട്ടിയ ബെയര്‍സ്റ്റോയെ, ന്യൂസീലന്‍ഡ് താരം ടിം സൗത്തിയുടെ പേരുപറഞ്ഞാണ് കോലി സ്ലെഡ്ജ് ചെയ്യാന്‍ ആരംഭിച്ചത്. ഈ സ്ലെഡ്ജിങ് മൂന്നാം ദിവസത്തിലേക്കും നീളുന്ന കാഴ്ചയാണ് ഇന്ന് കണ്ടത്. 

കോലിയും ബെയര്‍‌സ്റ്റോയും മൂന്നാം ദിനം പരസ്പരം ഏറ്റുമുട്ടി. കോലിയോട് ബെയര്‍‌സ്റ്റോ എന്തോ പറഞ്ഞതോടെ കോലിക്കും ദേഷ്യം വന്നു. ഇരുവരും നേര്‍ക്കുനേര്‍ വന്നതോടെ അംപയര്‍മാരും സഹതാരങ്ങളും പ്രശ്‌നം രമ്യതയിലേക്ക് എത്തിക്കാന്‍ രംഗത്തെത്തി. ഇതിനിടെ ബെയര്‍‌സ്റ്റോയോട് 'വായടച്ച് അവിടെ നിന്ന് ബാറ്റ് ചെയ്യൂ' എന്ന് കോലി പറഞ്ഞു. ഇത് സ്റ്റംപ് മൈക്കില്‍ റെക്കോര്‍ഡ് ചെയ്യപ്പെട്ടിട്ടുണ്ട്. 

Virat Vs Barstow Battle On This Time Last Time Kohli Vs Root #Bairstow #Crickettwitter pic.twitter.com/E7MfxZIY8x

— Abhay Thakur (@AbhayThakur981) July 3, 2022

എന്നാല്‍, കോലിയുടെ സ്ലെഡ്ജിങ്ങിന് ബെയര്‍‌സ്റ്റോ ബാറ്റുകൊണ്ട് കലക്കന്‍ മറുപടി കൊടുത്തു. കിടിലന്‍ സെഞ്ചുറിയിലൂടെ ! ബെയര്‍‌സ്റ്റോ 140 പന്തില്‍ 14 ഫോറും രണ്ട് സിക്‌സും സഹിതം 106 റണ്‍സെടുത്താണ് പുറത്തായത്. സെഞ്ചുറി നേടിയ ശേഷം ഗ്യാലറിയെ അഭിവാദ്യം ചെയ്യുന്നതിനിടെ ഗ്രൗണ്ടില്‍ നില്‍ക്കുന്ന കോലിയെ ചെറു പുഞ്ചിരിയോടെ നോക്കാനും ബെയര്‍‌സ്റ്റോ മറന്നില്ല. ഒടുവില്‍ മുഹമ്മദ് ഷമിയുടെ പന്തില്‍ കോലി ക്യാച്ചെടുത്താണ് ബെയര്‍‌സ്റ്റോ കൂടാരം കയറിയതും ! 

pic.twitter.com/eYgVYW9og5

— Guess Karo (@KuchNahiUkhada) July 3, 2022