ഇന്ത്യ- ഇംഗ്ലണ്ട് ഏകദിന പരമ്പരയിലെ രണ്ടാം മത്സരം ഇന്ന് കട്ടക്കിലെ ബാരാബതി സ്റ്റേഡിയത്തില്‍ നടക്കും. ഉച്ചയ്ക്ക് 1.30ന് ആരംഭിക്കുന്ന മത്സരം സ്‌പോര്‍ട്‌സ് 18 നെറ്റ്വര്‍ക്കിലും ഡിസ്‌നി ഹോട്ട്സ്റ്റാറിലും തത്സമയം കാണാനാകും. ആദ്യമത്സരത്തില്‍ വിജയിച്ച ഇന്ത്യ പരമ്പരയില്‍ 1-0ന് മുന്‍പിലാണ്. 3 മത്സരങ്ങളുള്ള പരമ്പരയിലെ രണ്ടാം മത്സരം വിജയിച്ചുകൊണ്ട് പരമ്പര സ്വന്തമാക്കാനാകും ഇന്ത്യന്‍ ശ്രമം. അതേസമയം ചാമ്പ്യന്‍സ് ട്രോഫിക്ക് മുന്‍പായി നടക്കുന്ന പരമ്പരയില്‍ വിജയിച്ച് ആത്മവിശ്വാസം തിരിച്ചുപിടിക്കാനാണ് ഇംഗ്ലണ്ടിന്റെ ശ്രമം.
