ഇന്ത്യക്കെതിരായ രണ്ടാം ക്രിക്കറ്റ് ടെസ്റ്റില്‍ ഓസ്‌ട്രേലിയ ശക്തമായ നിലയില്‍. ആദ്യം ബാറ്റ് ചെയ്ത ഇന്ത്യയെ 180 റണ്‍സിന് ഓളൗട്ടാക്കിയ ഓസീസ് ആദ്യം ദിനം അവസാനിക്കുമ്പോള്‍ 33 ഓവറില്‍ 86 റണ്‍സിന് ഒരു വിക്കറ്റെന്ന നിലയിലാണ്. 13 റണ്‍സെടുത്ത ഉസ്മാന്‍ ഖവാജയുടെ വിക്കറ്റ് മാത്രമാണ് ഓസീസിന് നഷ്ടമായത്. പകലും രാത്രിയുമായി നടന്ന മത്സരത്തിലെ നിര്‍ണായകമായ സെഷനില്‍ വിക്കറ്റ് നഷ്ടപ്പെടുത്താതിരുന്നതോടെ മത്സരത്തിന്റെ ആധിപത്യം ഓസ്‌ട്രേലിയയുടെ കയ്യിലാണ്.
