India vs Australia Adelaide test: ഇന്ത്യയും ഓസ്‌ട്രേലിയയും തമ്മിലുള്ള 5 മത്സരങ്ങളടങ്ങിയ ടെസ്റ്റ് മത്സരങ്ങള്‍ക്ക് തുടക്കമാവും മുന്‍പ് വരെ ഓസ്‌ട്രേലിയയില്‍ പരിചയസമ്പത്തില്ലാത്ത യുവനിര ഓസീസ് പേസര്‍മാര്‍ക്ക് മുന്നില്‍ പതറുമെന്ന് കരുതിയവര്‍ ഏറെയായിരുന്നു. എന്നാല്‍ ആദ്യ ടെസ്റ്റില്‍ തന്നെ സെഞ്ചുറി പ്രകടനവുമായി ഓപ്പണര്‍ യശ്വസി ജയ്‌സ്വാളും അര്‍ധസെഞ്ചുറിയടക്കം ഓള്‍റൗണ്ട് പ്രകടനവുമായി നിതീഷ് കുമാര്‍ റെഡ്ഡിയും തിളങ്ങിയിരുന്നു. ബൗളര്‍മാരില്‍ തുടക്കക്കാരനായ ഹര്‍ഷിത് റാണയും മികച്ച പ്രകടനമാണ് ആദ്യ ടെസ്റ്റില്‍ നടത്തിയത്.
