ശ്രീലങ്കയ്‌ക്കെതിരായ മത്സരത്തില്‍ രണ്ടാം ഇന്നിങ്‌സില്‍ ഇന്ത്യക്കായി ആദ്യ ഓവര്‍ എറിഞ്ഞ ശേഷം ഹാര്‍ദിക് ഗ്രൗണ്ട് വിടുകയായിരുന്നു. ബൗളിങ്ങിനിടെ താരത്തിനു പേശി വലിവ് അനുഭവപ്പെട്ടു. കാലുകള്‍ നിലത്തുകുത്തി നടക്കാന്‍ പോലും താരം പ്രയാസപ്പെട്ടിരുന്നു. പിന്നീട് ഫീല്‍ഡ് ചെയ്യാന്‍ പോലും താരം ഗ്രൗണ്ടില്‍ ഇറങ്ങിയില്ല. ടീം ഫിസിയോയുടെ നിരീക്ഷണത്തിലാണ് താരം ഇപ്പോള്‍. ഹാര്‍ദിക്കിനു ഫൈനല്‍ കളിക്കാന്‍ സാധിക്കുമോയെന്ന് സ്ഥിതിഗതികള്‍ വിലയിരുത്തിയ ശേഷം ടീം മാനേജ്‌മെന്റ് തീരുമാനിക്കും.
