ഏകദിന, ടി20 ടീമുകളിലേക്ക് മുൻ നായകൻ ഫാഫ് ഡുപ്ലെസിസിനെ ദക്ഷിണാഫ്രിക്ക തിരിച്ചുവിളിക്കുമെന്ന് റിപ്പോർട്ട്. പുതിയ പരിശീലകനായ റോബ് വോൾട്ടറാണ് ഡുപ്ലെസിസിനെ ഏകദിന,ടി20 ടീമുകളിലേക്ക് പരിഗണിക്കുമെന്ന് വ്യക്തമാക്കിയത്.
ടെസ്റ്റിൽ നിന്നും വിരമിച്ചെങ്കിലും ലിമിറ്റഡ് ഓവർ ക്രിക്കറ്റിൽ മികച്ച റെക്കോർഡുള്ള ഡുപ്ലെസിസിനെ ടീമിലെടുക്കുന്ന കാര്യത്തിൽ തുറന്ന മനസാണ് തനിക്കുള്ളതെന്ന് വാൾട്ടർ പറഞ്ഞു. അദ്ദേഹവുമായി ഇതിനെ പറ്റി സംസാരിച്ചിട്ടില്ലെന്നും എങ്കിലും ദേശീയ ടീമിലേക്ക് തിരിച്ചെത്താൻ അദ്ദേഹത്തിനായി എല്ലാ വാതിലുകളും തുറന്നിട്ടിരിക്കുകയാണെന്നും വാൾട്ടർ പറഞ്ഞു.
