അവസാന ഓവറുകളിൽ സന്തുലിതമായ പോരാട്ടമാണ് നടന്നത്. മൂന്ന് ഓവറിൽ വിജയിക്കാൻ 32 റൺസാണ് വേണ്ടിയിരുന്നത്. പാകിസ്ഥാൻ്റെ അരങ്ങേറ്റക്കാരനായ നസീം ഷാ കാലിലെ ബുദ്ധിമുട്ട് പ്രകടിപ്പിച്ച ഓവറിലാണ് ജഡേജ മത്സരം ഇന്ത്യയ്ക്ക് അനുകൂലമാക്കിയത്. നസീമിൻ്റെ ഈ ബുദ്ധിമുട്ട് മത്സരത്തിൽ നിർണായകമായോ എന്ന ചോദ്യത്തിനാണ് ജഡേജ മറുപടി നൽകിയത്.
നസീം ഷാ തങ്ങൾക്ക് പ്രശ്നം അല്ലായിരുന്നുവെന്ന് ജഡേജ പറയുന്നു. പൂർണമായ ഫിറ്റ്നസോടെ നസീം ഷാ പന്തെറിഞ്ഞാലും ഞങ്ങൾ തോൽക്കുമായിരുന്നില്ല. എത്ര മികച്ച ബൗളറാണെങ്കിലും പരിചയസമ്പന്നനാണെങ്കിലും ഒരു ടി20 കളിയുടെ അവസാന 2-3 ഓവറിൽ ബൗളറിന് മേൽ വലിയ സമ്മർദ്ദം ഉണ്ടാകും. ജഡേജ പറഞ്ഞു. അവസാന ഓവറിൽ ലക്ഷ്യം ഒരുപാട് നീട്ടരുത് എന്ന് മാത്രമെ ഞങ്ങൾക്കുണ്ടായിരുന്നുള്ളു. ഭാഗ്യവശാൽ ഞങ്ങൾ വിചാരിച്ച പോലെ നടന്നു. ജഡേജ പറഞ്ഞു.
