ഇന്ത്യൻ ഓള്‍റൗണ്ടര്‍ ഹര്‍ദിക്ക് പാണ്ഡ്യയുടെ ഫിറ്റ്നസിനെ സംബന്ധിച്ചു പ്രതികരണവുമായി ബിസിസിഐ പ്രസിഡന്റ് സൗരവ് ഗാംഗുലി. താരം ഫിറ്റ്‌നസ് വീണ്ടെടുത്തിട്ടില്ലെന്നും വേഗം കളിക്കളത്തിലേക്ക് തിരിച്ചു വരുമെന്നാണ് കരുതുന്നതെന്നും ഗാംഗുലി പറഞ്ഞു. അതേസമയം കപിൽ ദേവുമായി താരത്തെ താരതമ്യം ചെയ്യരുതെന്നും ഗാംഗുലി അഭിപ്രായപ്പെട്ടു.
ഹാർദ്ദിക് നല്ല ക്രിക്കറ്ററാണ്. ഇപ്പോൾ അദ്ദേഹം ഫിറ്റല്ല എന്നതുകൊണ്ടാണ് ഇന്ത്യൻ ടീമിൽ ഇല്ലാത്തത്. അയാൾ ചെറുപ്പമാണ്.പരിക്കില്‍ നിന്ന് പുറത്തുകടന്ന് ഹര്‍ദിക് തിരിച്ചുവരവ് നടത്തും എന്നാണ് പ്രതീക്ഷിക്കുന്നത്. കപില്‍ ദേവുമായൊന്നും ഹര്‍ദിക്കിനെ താരതമ്യം ചെയ്യരുത്. കപില്‍ മറ്റൊരു തലത്തില്‍ നില്‍ക്കുന്ന കളിക്കാരനാണ്. ഗാംഗുലി പറഞ്ഞു.
