താരതമ്യേന ചെറിയ സ്‌കോറായ 150 റണ്‍സ് വിജയലക്ഷ്യം അനായാസം മറികടക്കാമെന്ന് ഡല്‍ഹി പ്രതീക്ഷിച്ചിരുന്നു. എന്നാല്‍ തുടക്കം മുതലേ മുംബൈ ബൗളര്‍മാര്‍ ഭീഷണി ഉയര്‍ത്തി. മെഗ് ലന്നിങ്ങിനെ പുറത്താക്കി നാറ്റ് സ്‌കിവര്‍ ബ്രൂന്റ് വിക്കറ്റ് വേട്ടയ്ക്കു തുടക്കമിട്ടു. പിന്നാലെ ഡല്‍ഹി താരങ്ങള്‍ ഓരോരുത്തരായി കൂടാരം കയറി.
നാറ്റ് സ്‌കിവര്‍ മൂന്നും അമേല കെര്‍ രണ്ടും വിക്കറ്റുകള്‍ വീഴ്ത്തി മുംബൈയുടെ ജയത്തില്‍ നിര്‍ണായക പങ്കുവഹിച്ചു. ഷബ്‌നിം ഇസ്മയില്‍, ഹെയ്‌ലി മാത്യൂസ്, സൈക ഇഷക് എന്നിവര്‍ക്ക് ഓരോ വിക്കറ്റ്. 26 പന്തില്‍ 40 റണ്‍സെടുത്ത മരിസന്നെ കപ്പ്, 21 പന്തില്‍ 30 റണ്‍സെടുത്ത ജെമിമ റോഡ്രിഗസ് എന്നിവരാണ് ഡല്‍ഹിയുടെ ടോപ് സ്‌കോറര്‍മാര്‍.
