ഓസ്‌ട്രേലിയന്‍ ഓള്‍റൗണ്ടര്‍മാരായ ഗ്ലെന്‍ മാക്‌സ്വെല്ലിനോടും മിച്ചല്‍ മാര്‍ഷിനോടും ഇംഗ്ലണ്ടിലെ ദ് ഹണ്ട്രഡ് ടൂര്‍ണമെന്റില്‍ നിന്നും പിന്മാറാന്‍ ആവശ്യപ്പെട്ട് ക്രിക്കറ്റ് ഓസ്ട്രേലിയ. ട്രെവര്‍ ബെയിലിസിന് കീഴില്‍ ലണ്ടന്‍ സ്പിരിറ്റിലാണ് ഒരു താരങ്ങളും കളിക്കാനിറങ്ങിയത്. 16,0000 ഡോളറിന്റെ കരാറിലാണ് ഒരുവരെയും ഫ്രാഞ്ചൈസി സ്വന്തമാക്കിയിരുന്നത്.
ഇന്ത്യയില്‍ ഈ വര്‍ഷം ഏകദിന ലോകകപ്പും 2024ല്‍ ടി20 ലോകകപ്പും വരാനിരിക്കുന്ന സാഹചര്യത്തില്‍ വര്‍ക്ക് ലോഡ് മാനേജ്‌മെന്റിന്റെ ഭാഗമായുള്ള തീരുമാനത്തിന്റെ ഭാഗമായാണ് ഇരുവരെയും ക്രിക്കറ്റ് ഓസ്ട്രേലിയ ഹണ്ട്രഡ് ലീഗില്‍ നിന്നും പിന്‍വലിക്കുന്നത്. ഇരു താരങ്ങളും ബോര്‍ഡിന്റെ തീരുമാനവുമായി സഹകരിക്കുമെന്നും അവരോട് ചര്‍ച്ച ചെയ്ത ശേഷമാണ് ഇതിലേക്ക് എത്തിയതെന്നും ഓസ്‌ട്രേലിയന്‍ ക്രിക്കറ്റ് ബോര്‍ഡ് വക്താവ് വ്യക്തമാക്കി.