ജസ്പ്രീത് ബുംമ്രയുടെ അഭാവത്തിൽ ഇന്ത്യൻ ടീമിൽ ഇടം നേടിയ താരമാണ് ഉമേഷ് യാദവ്. ഒരു ബൗളർ എന്ന നിലയിലാണ് ടീമിൽ എത്തിയതെങ്കിലും കഴിഞ്ഞ ദക്ഷിണാഫ്രിക്കൻ സീരിസിലും ബംഗ്ലാദേശിനെതിരെയും ബാറ്റ് കൊണ്ട് മികച്ച പ്രകടനമാണ് ഉമേഷ് കാഴ്ചവെച്ചത്. ക്രീസിൽ ഇറങ്ങിയ മുതൽ വെടിക്കെട്ട് നടത്തുന്ന വാലറ്റക്കാരൻ എന്ന നിലയിൽ പല റെക്കോഡുകളും ഉമേഷ് സ്വന്തമാക്കുകയും ചെയ്തു. എന്നാലിപ്പോൾ ഉമേഷിനെ പറ്റി ഇന്ത്യൻ നായകൻ വിരാട് കോലി പറഞ്ഞ വാചകങ്ങളാണ് ചർച്ചയായിരിക്കുന്നത്.
നിലവിൽ 30 മത്സരങ്ങൾക്ക് മുകളിൽ ബാറ്റ് ചെയ്തവരിൽ മികച്ച സ്ട്രൈക്ക് റൈറ്റുള്ള ബാറ്റ്സ്മാൻ എന്ന റെക്കോഡ് ഉമേഷിന്റെ പേരിലാണ്. ദക്ഷിണാഫ്രിക്കക്കെതിരായുള്ള മൂന്നാം ടെസ്റ്റ് മത്സരത്തിലായിരുന്നു ഉമേഷിന്റെ ബാറ്റിങ് വെടിക്കെട്ട്. ഒരു ഇന്നിങ്സിലെ ആദ്യ രണ്ട് പന്തുകളിലും സിക്സറുകൾ നേടി വെറും 10 പന്തിലാണ് മത്സരത്തിൽ ഉമേഷ് 30 റൺസുകൾ മത്സരത്തിൽ പൂർത്തിയാക്കിയത്. ഇതോടെ ഇത്തരത്തിൽ സിക്സറുകൾ നേടിയവരുടെ പട്ടികയിൽ സച്ചിനും ഹോഫി വില്ല്യംസിനുമൊപ്പം ഉമേഷും ഇടം നേടി.
