ടീം പട്ടികയിൽ മലയാളി താരം സഞ്ജു സാംസൺ ഉൾപ്പെടുമോ എന്ന ആകാംക്ഷയിലാണ് ആരാധകർ. ഓപ്പണിങ് സ്ഥാനത്ത് രോഹിത് ശർമ, കെഎൽ രാഹുൽ എന്നിവർക്ക് സ്ഥാനമുറപ്പാണ്. ഓപ്പണിങ് സ്ഥാനത്തേക്ക് ശിഖർ ധവാനൊപ്പം പൃഥ്വി ഷായും പരിഗണനയിലുണ്ട്.
അതേസമയം മധ്യനിരയിൽ ഇന്ത്യൻ നായകൻ വിരാട് കോലി,റിഷഭ് പന്ത്,സൂര്യകുമാർ യാദവ് എന്നിവർ ഉറപ്പാണ്. മധ്യനിരയിലേക്കായിരിക്കും സഞ്ജുവിനെയും പരിഗണിക്കുക. പരിക്ക് മാറി ടീമിൽ തിരിച്ചെത്താൻ നിൽക്കുന്ന ശ്രേയസ് അയ്യരും ടീമിൽ ഇടം പ്രതീക്ഷിക്കുന്നുണ്ട്.
നിലവില്‍ പാകിസ്ഥാന്‍, ന്യൂസിലന്‍ഡ്, ഓസ്‌ട്രേലിയ ടീമുകള്‍ ലോകകപ്പ് ടീമിനെ പ്രഖ്യാപിച്ചു കഴിഞ്ഞു. 15 അംഗ ടീമാണ് യഥാർത്ഥത്തിൽ വേണ്ടതെങ്കിലും കൊവിഡ് പശ്ചാത്തലത്തിൽ റിസർവ് താരങ്ങളെ ടീമിന്റെ ഭാഗമായി കൊണ്ടുപോകാം. ഒക്‌ടോബർ 24ന് പാകിസ്ഥാനുമായാണ് ടി20 ലോകകപ്പിലെ ഇന്ത്യയുടെ ആദ്യ മത്സരം.
