Australia vs Southafrica: കോട്ട കെട്ടി സ്റ്റാർക്കും ഹേസൽവുഡും,വാലറ്റത്ത് വമ്പൻ പോരാട്ടം, ദക്ഷിണാഫ്രിക്കയ്ക്ക് മുന്നിൽ 282 റൺസ് വിജയലക്ഷ്യം
73 റണ്‍സിന് 7 വിക്കറ്റെന്ന നിലയില്‍ പതറിയ ഓസ്‌ട്രേലിയയെ 43 റണ്‍സെടുത്ത അലക്‌സ് ക്യാരിയാണ് കരകയറ്റിയത്. ടീം സ്‌കോര്‍ 134 ല്‍ നില്‍ക്കെ അലക്‌സ് ക്യാരിയേയും പിന്നാലെ നഥാന്‍ ലിയോണിനെയും നഷ്ടമായ ഓസീസ് 148 റണ്‍സിന് 9 എന്ന നിലയിലായി. എന്നാല്‍ അവസാന വിക്കറ്റില്‍ ഒത്തുചേര്‍ന്ന സ്റ്റാര്‍ക്ക്- ഹേസല്‍വുഡ് സഖ്യം വലിയ പ്രതിരോധമാണ് ദക്ഷിണാഫ്രിക്കന്‍ ബൗളിംഗിന് മുന്നില്‍ തീര്‍ത്തത്.
136 പന്തുകള്‍ നേരിട്ട മിച്ചല്‍ സ്റ്റാര്‍ക്ക് 5 ബൗണ്ടറികളുടെ സഹായത്തില്‍ 58 റണ്‍സുമായി തിളങ്ങി. 53 പന്തില്‍ 17 റണ്‍സുമായി മികച്ച പിന്തുണയാണ് ജോഷ് ഹേസല്‍വുഡ് സ്റ്റാര്‍ക്കിന് നല്‍കിയത്. ദക്ഷിണാഫ്രിക്കയ്ക്കായി കഗിസോ റബാഡ 4 വിക്കറ്റും ലുങ്കി എങ്കിടി 3 വിക്കറ്റും സ്വന്തമാക്കി. മാര്‍ക്കോ യാന്‍സന്‍, വിയാന്‍ മുള്‍ഡര്‍ , എയ്ഡന്‍ മാര്‍ക്രം എന്നിവര്‍ ഓരോ വിക്കറ്റും നേടി.
