കമ്മിന്‍സും ഹെയ്‌സല്‍വുഡുമില്ല, മാര്‍ഷിനാണേല്‍ പരിക്ക്, സ്റ്റോയ്‌നിസിന്റെ അപ്രതീക്ഷിത വിരമിക്കല്‍: വെട്ടിലായി ഓസ്‌ട്രേലിയ
ചാമ്പ്യന്‍സ് ട്രോഫിക്കുള്ള ഓസ്‌ട്രേലിയന്‍ ടീമില്‍ മാര്‍ക്കസ് സ്റ്റോയ്‌നിസിന്റെ പേരുമുണ്ടായിരുന്നു. എന്നാല്‍ ടൂര്‍ണമെന്റ് ആരംഭിക്കാന്‍ ദിവസങ്ങള്‍ മാത്രം ബാക്കിനില്‍ക്കെയാണ് ഏകദിനത്തില്‍ നിന്നും താരം വിരമിക്കല്‍ തീരുമാനം അറിയിച്ചത്. പ്രധാനപ്പെട്ട നാല് താരങ്ങള്‍ ഇല്ലാതെയാകും ഇതോടെ ഓസീസ് ചാമ്പ്യന്‍സ് ട്രോഫിയ്‌ക്കെത്തുക. കമ്മിന്‍സിന്റെ അഭാവത്തില്‍ സ്റ്റീവ് സ്മിത്തോ, ട്രാവിസ് ഹെഡോ ആയിരിക്കും ടീമിനെ നയിക്കുക. ഫെബ്രുവരി 12 വരെ ചാമ്പ്യന്‍സ് ട്രോഫി ടീമില്‍ മാറ്റം വരുത്താം എന്നതിനാല്‍ തന്നെ താരങ്ങള്‍ക്ക് പകരക്കാരെ കണ്ടെത്തേണ്ട തിരക്കിലാണ് ഓസീസ്.
