ഐപിഎല്ലില്‍ നീണ്ട പതിനാറ് വര്‍ഷക്കാലമായിട്ടും കിരീടനേട്ടമില്ല എന്ന നിരാശ മാറ്റി പ്രീതി സിന്റയുടെ ഉടമസ്ഥതയിലുള്ള സെന്റ് ലൂസിയ കിംഗ്‌സ്. ഗയാന ആമസോണ്‍ വാരിയേഴ്‌സിനെ തകര്‍ത്താണ് സെന്റ് ലൂസിയ കരിബീയന്‍ പ്രീമിയര്‍ ലീഗ് കിരീടം സ്വന്തമാക്കിയത്. ഫൈനലില്‍ ആദ്യം ബാറ്റ് ചെയ്ത ഗയാന ആമസോണ്‍ വാരിയേഴ്‌സിനെ സെന്റ് ലൂസിയ 138-8 റണ്‍സില്‍ ഒതുക്കിയപ്പോള്‍ ഫാഫ് ഡുപ്ലെസിയുടെ നേതൃത്വത്തില്‍ ഇറങ്ങിയ സെന്റ് ലൂസിയ കിംഗ്‌സ് 18.1 ഓവറില്‍ വിജയലക്ഷ്യം കണ്ടു.
