Afghanistan vs Sri Lanka ODI World Cup match: നിര്‍ണായക മത്സരത്തില്‍ അഫ്ഗാനിസ്ഥാനോട് തോല്‍വി വഴങ്ങി ശ്രീലങ്ക. ഏഴ് വിക്കറ്റിനാണ് അഫ്ഗാനിസ്ഥാന്റെ ജയം. ആദ്യം ബാറ്റ് ചെയ്ത ശ്രീലങ്ക 49.3 ഓവറില്‍ 241 ന് ഓള്‍ഔട്ടായി. അഫ്ഗാന്‍ 45.2 ഓവറില്‍ മൂന്ന് വിക്കറ്റ് മാത്രം നഷ്ടപ്പെടുത്തി ലക്ഷ്യം കണ്ടു. ഫസല്‍ഹഖ് ഫറൂഖിയാണ് കളിയിലെ താരം.
അസ്മത്തുള്ള ഒമര്‍സായ് (63 പന്തില്‍ പുറത്താകാതെ 73), റഹ്‌മത്ത് ഷാ (74 ബോളില്‍ 62), ഹസ്മത്തുള്ള ഷഹീദി (74 പന്തില്‍ പുറത്താകാതെ 58) എന്നിവരുടെ അര്‍ധ സെഞ്ചുറികളാണ് അഫ്ഗാനിസ്ഥാന് അനായാസ വിജയം സമ്മാനിച്ചത്. ഇബ്രാഹിം സാദ്രന്‍ 57 പന്തില്‍ 39 റണ്‍സ് നേടി.
