ബിസിസിഐ ചാമ്പ്യന്‍സ് ട്രോഫിയില്‍ നിന്നും പിന്മാറും?

PRO

ഇന്‍റര്‍നാഷണല്‍ ക്രിക്കറ്റ് കൗണ്‍സിലിന്‍റെ ക്രിക്കറ്റ് കമ്മിറ്റിയിലേക്ക് മുന്‍ ഇന്ത്യന്‍ ലെഗ് സ്പിന്നര്‍ എല്‍ ശിവരാമകൃഷ്ണനെ തെരഞ്ഞെടുത്തതില്‍ വിവാദമുണ്ടായതില്‍ ബിസിസിഐ വൃത്തങ്ങള്‍ അസംതൃപ്തരെന്ന് സൂചന.

ഐസിസി ചാമ്പ്യന്‍സ് ട്രോഫിയില്‍ നിന്നും ബിസിസിഐ പിന്നോട്ട് പോയേക്കുമെന്നും സൂചനയുണ്ട്. ബിസിസിഐയുടെ സമ്മര്‍ദ്ദമാണ് ശിവരാമകൃഷ്ണനു തുണയായതെന്ന് ഫെഡറേഷന്‍ ഒഫ് ഇന്‍റര്‍നാഷണല്‍ ക്രിക്കറ്റേഴ്സ് അസോസിയേഷന്‍ (ഫിക) ആരോപിച്ചിരുന്നു.

കളിക്കാരുടെ സമിതിയിലേക്ക് ടിം മേക്കെതിരേ ശിവരാമകൃഷ്ണന് അനുകൂലമായി വോട്ട് രേഖപ്പെടുത്താന്‍ ടീം ക്യാപ്റ്റന്മാരില്‍ സമ്മര്‍ദം ചെലുത്തിയെന്ന് ഫിക ലീഗല്‍ അഡ്വൈസര്‍ ഇയാന്‍ സ്മിത്ത് ആരോപിച്ചിരുന്നു.