മോഹന്‍ലാലിനെ നായകനാക്കി ഒരുക്കിയ മോണ്‍സ്റ്റര്‍, റോഷന്‍- അന്ന ബെന്‍ താരനിരയില്‍ ഒരുങ്ങിയ നൈറ്റ് ഡ്രൈവ് എന്നീ പരാജയസിനിമകള്‍ക്ക് ശേഷം ടര്‍ബോയിലൂടെ വീണ്ടും വിജയവഴിയില്‍ തിരിച്ചെത്തിയിരിക്കുകയാണ് മലയാളത്തിന്റെ സൂപ്പര്‍ ഹിറ്റ് സംവിധായകനായ വൈശാഖ്. മമ്മൂട്ടിയുടെ ടര്‍ബോ ആഗോളതലത്തില്‍ 100 കോടിയിലേക്ക് കുതിക്കുന്നതിനിടെ മോഹന്‍ലാലുമായാകും അടുത്ത സിനിമയെന്ന് വ്യക്തമാക്കിയിരിക്കുകയാണ് വൈശാഖ്.
മോണ്‍സ്റ്ററില്‍ സംഭവിച്ച ക്ഷീണം പുതിയ സിനിമയിലൂടെ തീര്‍ക്കുമെന്ന് വൈശാഖ് പറയുന്നു. അന്ന് മോണ്‍സ്റ്ററിന് പകരം ചെയ്യേണ്ടിയിരുന്നത് മറ്റൊരു വലിയ സിനിമയായിരുന്നു. അന്നത് പക്ഷേ നടന്നില്ല. എന്നാല്‍ ആ പ്രൊജക്ട് ഉടനെ തന്നെ സംഭവിക്കും. ആശിര്‍വാദ് തന്നെയാണ് സിനിമ നിര്‍മിക്കുന്നത്. അതിന്റെ ഡേറ്റും മറ്റുകാര്യങ്ങളും ഒന്നിച്ച് വന്നാല്‍ സിനിമ സംഭവിക്കും.
