2019-ലെ ഫോർബ്സ് ഇന്ത്യൻ റിപ്പോർട്ട് അനുസരിച്ച് 2019ൽ മാത്രം 64.5 കോടി രൂപയാണ് നടന് പ്രതിഫലമായി ലഭിച്ചത്. അഭിനയത്തിന് പുറമേ വിവിധ ബിസിനസ് രംഗങ്ങളിലും നടൻ സജീവമാണ്. റിപ്പോർട്ടുകൾ പ്രകാരം മോഹൻലാലിൻറെ ഏകദേശം ആസ്തി 50 മില്യൺ ഡോളർ ആണ്. വിദ്യാഭ്യാസ മേഖലയിലും സിനിമ നിർമ്മാണ മേഖലയിലും ലാലിന് നിക്ഷേപമുണ്ട്. തിരുവനന്തപുരം ആസ്ഥാനമാക്കി പ്രവർത്തിക്കുന്ന വിസ്മയാസ് മാക്‌സ് എന്ന ഫിലിം പ്രീ-പ്രൊഡക്ഷൻ സ്റ്റുഡിയോ മോഹൻലാലിന്റെ ഉടമസ്ഥതയിലുള്ളതാണ്. കേരളത്തിൽ മോഹൻലാലിന്റെ സിനിമ തിയേറ്ററുകളും ഉണ്ട്.ലോയിഡ്, മൈ ജി, കെഎല്‍എഫ്, കോക്കോനാട് കോക്കനട്ട് ഓയില്‍, മണപ്പുറം ഫിനാന്‍സ്, ഹോട്ട്സ്റ്റാര്‍ തുടങ്ങിയ ബ്രാൻഡുകളുടെ പരസ്യങ്ങളിൽ മോഹൻലാൽ നിറസാന്നിധ്യമാണ്.
