സ്‌കൂള്‍-കോളേജ് കാലത്തെക്കുറിച്ച് നല്ല ഓര്‍മ്മകള്‍ പറയുന്നവര്‍ക്കൊപ്പം മോശം അനുഭവങ്ങള്‍ കൊണ്ട് സ്‌കൂള്‍-കോളേജ് കാലം ഇഷ്ടമല്ലാത്തവരും നമുക്കിടയിലുണ്ട്.തന്റെ സ്‌കൂള്‍-കോളേജ് കാലം നല്ല ഓര്‍മ്മകളുടേതല്ല എന്ന് നേരത്തെ അനാര്‍ക്കലി പറഞ്ഞിരുന്നു. ഇപ്പോഴിതാ അത് എന്തുകൊണ്ടാണെന്ന് തുറന്നു പറഞ്ഞിരിക്കുകയാണ് നടി.
'എല്ലാ സ്‌കൂളിലും കാണും ആരും മൈന്റ് ചെയ്യാത്തൊരു കുട്ടി. നമ്മള്‍ അവിടെ എക്സിസ്റ്റ് ചെയ്യുന്നുണ്ടെന്ന് ആര്‍ക്കും അറിയില്ല. ഞാന്‍ വലിയ കുഴപ്പമുണ്ടായിരുന്നില്ല. എന്റെ ചില സുഹൃത്തുക്കളുണ്ടായിരുന്നു, ഇങ്ങനെയൊരാള്‍ ആ സ്‌കൂളില്‍ ഉണ്ടെന്ന് പോലും അറിയത്തില്ലായിരുന്നു. അതിന്റേതായ പ്രശ്നങ്ങളുണ്ടായിരുന്നു. ക്ലാസില്‍ എന്തെങ്കിലും പൊട്ടത്തരമൊക്കെ കാണിച്ചാല്‍ എല്ലാവരുടേയും മുന്നില്‍ വച്ച് ടീച്ചര്‍മാര്‍ കളിയാക്കും. അതുകൊണ്ടായിരുന്നു സ്‌കൂള്‍ ഇഷ്ടമല്ലാത്തതെന്നാണ് അനാര്‍ക്കലി പറയുന്നത്.
മാറ്റി നിര്‍ത്താനുള്ള കാരണം അറിയില്ലെന്നാണ് താരം പറയുന്നത്. മീന്‍ ഗേള്‍സ് സിനിമയിലൊക്കെ കാണുന്നത് പോലെ ഒരു സെറ്റ് ഓഫ് കുട്ടികളുണ്ടാകും. അവര്‍ കുറച്ച് ഡോമിനേറ്റിംഗ് ആയിരിക്കും. ഞാന്‍ കോളേജില്‍ പഠിക്കുന്ന സമയത്തും കുറച്ച് ഡോമിനേറ്റിംഗ് ആയിട്ടുള്ള കുട്ടികളുണ്ടായിരുന്നു. ഞാന്‍ ആ സമയത്ത് മുടി ബോയ് കട്ട് വെട്ടിയിരുന്നു. ഇടയ്ക്ക് മൂക്ക് കുത്തിയിരുന്നു. അപ്പോള്‍ അനാര്‍ക്കലി ലെസ്ബിയന്‍ ആണെന്ന് ചിലര്‍ പറഞ്ഞു. അത്തരം റൂമറുകള്‍ ഉണ്ടായി. നമ്മള്‍ ഒന്നും ചെയ്തിട്ടല്ല. വെറുതെ കോലം കണ്ടിട്ട് പറയുകയായിരുന്നു',-അനാര്‍ക്കലി പറഞ്ഞു.
ജോബ്ലെസ് ക്ലബ് എന്ന യൂട്യൂബ് ചാനലിന് നല്‍കിയ അഭിമുഖത്തിലാണ് നടി ഇക്കാര്യത്തെക്കുറിച്ച് തുറന്നു പറഞ്ഞത്.