എഴുപത്തിയൊന്നാം ദേശീയ പുരസ്‌കാരങ്ങള്‍ പ്രഖ്യാപിച്ചപ്പോള്‍ ഇത്തവണയും നിലവാരമില്ലാത്ത പ്രകടനങ്ങള്‍ക്ക് പുരസ്‌കാരങ്ങള്‍ നല്‍കി അത്ഭുതപ്പെടുത്താതെ ജൂറി. കഴിഞ്ഞ കുറച്ച് വര്‍ഷങ്ങളായി ക്രെഡിബിലിറ്റി നഷ്ടമായെന്ന വിമര്‍ശനങ്ങളെ ശരിവെയ്ക്കുന്ന തരത്തിലുള്ള പ്രഖ്യാപനമാണ് ഈ വര്‍ഷവും ഉണ്ടായത്. 12ത്ത് ഫെയില്‍ എന്ന സിനിമയിലെ പ്രകടനത്തിന് വിക്രാന്ത് മാസിക്ക് ദേശീയ പുരസ്‌കാരം പ്രതീക്ഷിച്ചിരുന്നുവെങ്കിലും ജവാന്‍ എന്ന സിനിമയിലെ അഭിനയത്തിന് ഷാറൂഖ് ഖാനും മികച്ച നടനുള്ള പുരസ്‌കാരം ലഭിച്ചു. 33 വര്‍ഷത്തെ കരിയറില്‍ വീര്‍ സാറ, ദില്‍ സേ, സ്വദേശ്, മൈ നെയിം ഈസ് ഖാന്‍, ഫാന്‍ എന്നിങ്ങനെ ഒട്ടേറെ സിനിമകള്‍ ചെയ്ത് അവസാനം ജവാനിലാണ് ഷാറൂഖ് മികച്ച നടനാണെന്ന് ജൂറി മനസിലാക്കി കളഞ്ഞത്.
