മലയാളത്തിന് പുറമെ അന്യഭാഷകളിലും സ്വീകാര്യതയുള്ള താരമാണ് പൃഥ്വിരാജ്. മലയാളത്തിന് പുറമെ തമിഴിലും തെലുങ്കിലും ബോളിവുഡിലും താരം സന്നിധ്യം അറിയിച്ചിട്ടുണ്ട്. 2012ല്‍ അയ്യയിലൂടെ ബോളിവുഡില്‍ അരങ്ങേറ്റം കുറിച്ച പൃഥ്വിരാജ് ഔറംഗസേബ്, ബഡേ മിയാന്‍ ഛോട്ടാ മിയാന്‍ തുടങ്ങിയ സിനിമകളിലും ഭാഗമായിരുന്നു.
ഇപ്പോഴിതാ മേഘ്‌നാ ഗുല്‍സാര്‍ സംവിധാനം ചെയ്യുന്ന പുതിയ ബോളിവുഡ് സിനിമയില്‍ പൃഥ്വിരാജ് കേന്ദ്രകഥാപാത്രത്തെ അവതരിപ്പിക്കുമെന്ന റിപ്പോര്‍ട്ടുകളാണ് പുറത്തുവരുന്നത്. പോലീസ് ഉദ്യോഗസ്ഥനായിട്ടാകും താരം എത്തുക. കരീന കപൂറാകും സിനിമയില്‍ നായികയായി എത്തുന്നത്.