ശംസു എന്ന വ്യക്തിയെ ഞാന്‍ പരിചയപ്പെടുന്നത് സുഡാനിയുടെ സമയത്താണ്. ഒതുക്കുങ്ങലില്‍ ഫുട്‌ബോള്‍ കളി ഷൂട്ട് ചെയ്യുന്ന സമയം, സക്കരിയ എനിക്ക് ഒരു നമ്പര്‍ അയച്ച് തന്നിട്ട് പറയ്ണത് ' ഇത് ശംസൂന്റെ നമ്പറാണ്, എന്താവശ്യം ഉണ്ടെങ്കിലും ഓനെ വിളിച്ചാ മതി എന്ന്..'' അന്ന് ഓനെ കൊണ്ട് ഷൂട്ടിന്റെ ആവിശ്യവും, ഇന്റെ സിഗരറ്റിന്റെ ആവിശ്യവും, ഇടക്ക് ഇടക്ക് തോന്നുന്ന നാരങ്ങ സോഡന്റെ ആവിശ്യം വരെ ഞാന്‍ നിറവേറ്റിയിട്ടുണ്ട്.
ഒരു മനുഷ്യനെന്ന നിലയില്‍ അയാള് എന്നെ അത്ഭുതപെടുത്തിയിട്ടെ ഉള്ളൂ, ഇപ്പൊ ഇതാ അഭിനയത്തിലും. ചെറുപ്പം തൊട്ടേ സക്കരിയാന്റെ നാടകങ്ങളിലും സ്‌കിറ്റുകളിലുമെല്ലാം സക്കരിയ പരീക്ഷിക്കുന്ന കൊറച്ചെണ്ണങ്ങളില്‍ ഒരുത്തനാണ് ഇവന്‍.
ഹലാല്‍ ലവ് സ്റ്റോറിയിലെ കോഴിപിടുത്തക്കാരനില്‍ നിന്നും ജോണ്‍സണിലേക്കുള്ള മാറ്റം വളരെ വെത്യസ്ഥമാണ്. ജോണ്‍സണില്‍ നിന്ന് ഹംസയിലേക്ക് എത്തുമ്പൊ നീ എങ്ങനെയായിരിക്കും എന്നാണ് ഞാന്‍ ആലോചിച്ച് കൊണ്ടിരിക്കുന്നത്. സംശയങ്ങളേതുമില്ല്, ''ശംസുവല്ലെ ഹംസയായത്'' അത്രേം തന്നെ ധാരാളമാണ് ആ കഥാപാത്രത്തിന്റെ ഭംഗി മനസിലാക്കാന്‍.
