ആറ് വര്‍ഷത്തെ ഇടവേളയ്ക്ക് ശേഷം മലയാള സിനിമയിലേക്ക് തിരിച്ചെത്തിയിരിക്കുകയാണ് നടി മീര ജാസ്മിന്‍. സത്യന്‍ അന്തിക്കാട് സംവിധാനം ചെയ്ത മകള്‍ എന്ന സിനിമയില്‍ ജയറാമിന്റെ നായികയായാണ് മീര രണ്ടാം വരവ് നടത്തിയിരിക്കുന്നത്.
മകള്‍ സിനിമയുടെ പ്രചാരണ പരിപാടികള്‍ തുടങ്ങിയ സമയത്താണ് മീര സോഷ്യല്‍ മീഡിയയില്‍ ആക്ടീവ് ആകാന്‍ തുടങ്ങിയത്. തന്റെ പുതിയ ചിത്രങ്ങളെല്ലാം മീര ആരാധകര്‍ക്കായി പങ്കുവയ്ക്കാറുണ്ട്. മകള്‍ റിലീസ് ചെയ്ത ശേഷവും സോഷ്യല്‍ മീഡിയയില്‍ താരം സജീവമാണ്.