ഇന്ന് ഒക്ടോബര് 5, മോഹന്‍ലാലിന്റെ ആരാധകര്‍ ഏറെ നാളായി കാത്തിരുന്ന ദിനം. ഒടുവില്‍ പൃഥ്വിരാജിന്റെ സംവിധാനത്തില്‍ ലൂസിഫറിന്റെ രണ്ടാം ഭാഗമായ എംപുരാന്‍ ചിത്രീകരണം ആരംഭിക്കുന്നു. ഇന്നുമുതല്‍ ചിത്രീകരണം ആരംഭിക്കുമെന്ന് നേരത്തെ നിര്‍മ്മാതാക്കള്‍ അറിയിച്ചതാണ്.
ജീത്തു ജോസഫിന്റെ നേര് ചിത്രീകരണം പൂര്‍ത്തിയാക്കി എംപുരാന്‍ ജോലികളിലേക്ക് മോഹന്‍ലാല്‍ കടന്നു.എംപുരാന്‍ ചിത്രീകരണം ഒക്ടോബര് അഞ്ചിന് ഡല്‍ഹിയില്‍ ആരംഭിക്കും എന്നാണ് നേരത്തെ പുറത്തുവന്ന റിപ്പോര്‍ട്ട്. ഇന്ത്യന്‍ സിനിമയിലെ പ്രമുഖ താരങ്ങള്‍ ചിത്രത്തില്‍ ഉണ്ടെന്നാണ് കേള്‍ക്കുന്നത്. തമിഴ്‌നാട്ടിലും വിദേശരാജ്യങ്ങളിലും ഉത്തരേന്ത്യന്‍ സംസ്ഥാനങ്ങളിലും ചിത്രീകരണമുണ്ട്.
