താര കുടുംബത്തില്‍ നിന്ന് മലയാള സിനിമയിലേക്കെത്തിയ നടിയാണ് അഹാന. നടന്‍ കൃഷ്ണ കുമാര്‍- സിന്ധു കൃഷ്ണ ദമ്പതികളുടെ മകളായ അഹാനയ്ക്ക് ഏറെ പ്രിയപ്പെട്ട ദിവസമാണ് ജൂണ്‍ 12. അച്ഛന്‍ കൃഷ്ണകുമാര്‍ ഇന്ന് ജന്മദിനം ആഘോഷിക്കുകയാണ്. ഇപ്പോഴിതാ അച്ഛനെ ആശംസകളുമായി എത്തിയിരിക്കുകയാണ് അഹാന.
കൃഷ്ണകുമാറിന് 56 വയസ്സായി. 1968ല്‍ തിരുവനന്തപുരത്താണ് നടന്‍ ജനിച്ചത്.
4 പെണ്‍മക്കളുടെ അച്ഛനാണ് നടന്‍ കൃഷ്ണകുമാര്‍.താര കുടുംബത്തിലെ ഓരോ അംഗങ്ങളും ആരാധകര്‍ക്ക് പ്രിയരാണ്.അഹാന, ദിയ, ഇഷാനി, ഹന്‍സിക എന്നിവരാണ് കൃഷ്ണകുമാറിന്റെ മക്കള്‍. നടി അഹാനയെക്കാള്‍ 10 വയസ്സ് കുറവുണ്ട് ഹന്‍സികയ്ക്ക്.
കൊല്ലം പാര്‍ലമെന്റ് മണ്ഡലത്തില്‍ എന്‍ഡിഎ സ്ഥാനാര്‍ത്ഥി കൃഷ്ണകുമാര്‍ മൂന്നാം സ്ഥാനത്തേക്ക് പിന്തള്ളപ്പെട്ടിരുന്നു. കൊല്ലത്ത് എന്‍.കെ. പ്രേമചന്ദ്രന്‍ ആണ് വിജയിച്ചത്. ഇടതുപക്ഷ സ്ഥാനാര്‍ത്ഥിയായ മുകേഷ് രണ്ടാം സ്ഥാനത്തും എന്‍ഡിഎ സ്ഥാനാര്‍ഥി കൃഷ്ണകുമാര്‍ മൂന്നാം സ്ഥാനത്തേക്കും പിന്തള്ളപ്പെട്ടു.തെരഞ്ഞെടുപ്പ് നടക്കുന്ന സമയത്ത് അച്ഛന്റെ സ്ഥാനാര്‍ഥിത്വത്തെ കുറിച്ചുള്ള ചോദ്യത്തിനും അഹാന മറുപടി നല്‍കുകയുണ്ടായി.അച്ഛന്റെ സ്ഥാനാര്‍ഥിത്വത്തില്‍ സന്തോഷമുണ്ടെന്നും രാഷ്ട്രീയത്തിലുപരിയായാണ് ഇതിനെ നോക്കിക്കാണുന്നതെന്നും അഹാന പറഞ്ഞിരുന്നു. മകള്‍ എന്ന നിലയിലാണ് താന്‍ അച്ഛനെ പിന്തുണയ്ക്കുന്നതെന്നും നടി എന്ന നിലയിലോ രാഷ്ട്രീയം നോക്കിയോ അല്ല തന്റെ തീരുമാനമെന്നും അഹാന പറഞ്ഞിരുന്നു