ധനുഷ്-ജോജുജോര്‍ജ് ചിത്രം ജഗമേ തന്തിരം റിലീസിന് ഒരുങ്ങുകയാണ്. നെറ്റ്ഫ്‌ലിക്‌സിലൂടെയാണ് ചിത്രം പ്രേക്ഷകരിലേക്കെത്തുന്നത്. ജൂണ്‍ 18നാണ് റിലീസ്. അതിന്റെ ആവേശത്തിലാണ് ജോജു ജോര്‍ജ്. മലയാളി താരം ഐശ്വര്യ ലക്ഷ്മിയാണ് നായിക. ചിത്രം റിലീസിനൊരുങ്ങുന്നതിന്റെ സന്തോഷം നടിയും പങ്കുവെച്ചു.
ഈ ബിഗ് ബജറ്റ് ഗ്യാംഗ്സ്റ്റര്‍ ചിത്രത്തില്‍ സുരുളി, പ്രഭു എന്നീ കഥാപാത്രങ്ങളായി ഡബിള്‍ റോളിലാണ് ധനുഷ് എത്തുന്നത്.
ഹോളിവുഡ് താരം ജെയിംസ് കോസ്‌മോയും ഒരു ശക്തമായ കഥാപാത്രത്തെ അവതരിപ്പിക്കുന്നുണ്ട്.റിലയന്‍സ് എന്റര്‍ടെയിന്‍മെന്റും വൈ നോട്ട് സ്റ്റുഡിയോസും ചേര്‍ന്ന് നിര്‍മ്മിക്കുന്ന ചിത്രത്തിന് സന്തോഷ് നാരായണനാണ് സംഗീത സംവിധാനം നിര്‍വ്വഹിച്ചിരിക്കുന്നത്.