മോഹന്‍ലാലിന്റെ ആരാധകനാണ് താനെന്ന് സംവിധായകനും നടനുമായ ഗൗതം മേനോന്‍. സിനിമ അഭിനയം തുടങ്ങിയശേഷം ഒരുപാട് മോഹന്‍ലാല്‍ ചിത്രങ്ങള്‍ കണ്ടിട്ടുണ്ടെന്നും അക്കൂട്ടത്തില്‍ ദൃശ്യം 2 പത്ത് തവണയെങ്കിലും കണ്ടുവെന്നും സംവിധായകന്‍ പറയുന്നു.
ക്യാമറയ്ക്ക് മുന്നിലെത്തുമ്പോള്‍ മറ്റൊന്നിനെ കുറിച്ചും ശ്രദ്ധിക്കാതെ എങ്ങനെ അനായാസമായി അഭിനയിക്കാമെന്ന് പഠിക്കാനാണ് മോഹന്‍ലാല്‍ സിനിമകള്‍ കാണുന്നതെന്നും അദ്ദേഹം പറയുന്നു.
വളരെ അനായാസമായാണ് ലാല്‍ അഭിനയിക്കുന്നത്. മുമ്പും അദ്ദേഹത്തിന്റെ സിനിമകള്‍ കണ്ടിട്ടുണ്ടെന്നും ഗൗതം മേനോന്‍ പറഞ്ഞു.