ആമേന്‍ എന്ന സൂപ്പര്‍ഹിറ്റ് ചിത്രത്തിന് ശേഷം ലിജോ ജോസ് പെല്ലിശേരി ഒരുക്കുന്ന മള്‍ട്ടി സ്റ്റാര്‍ ചിത്രമാണ് ‘ഡബിള്‍ ബാരല്‍- ഇരട്ടക്കുഴല്‍’. ചിത്രത്തിലെ നായകന്മാരായി ഫഹദ് ഫാസില്‍, പൃഥ്വിരാജ്, ഇന്ദ്രജിത്ത് എന്നിവര്‍ എത്തുമെന്നായിരുന്നു റിപ്പോര്‍ട്ട്.
ആഗസ്റ്റ് 21ന് വിവാഹിതനായ ഫഹദ് ഫാസില്‍ കുറച്ച് ദിവസങ്ങള്‍ക്കുള്ളില്‍ തന്നെ നിലവില്‍ അഭിനയിക്കുന്ന ചിത്രമായ മണിരത്നത്തിന്റെ ഷൂട്ടിംഗ് തുടരുമെന്നായിരുന്നു റിപ്പോര്‍ട്ട്. എന്നാല്‍ ഫഹദ് ഇത് വരെ ചിത്രത്തില്‍ ജോയിന്‍ ചെയ്തിട്ടില്ല. ഫഹദ് ഭാര്യ നസ്രിയയുമൊത്ത് അമേരിക്കയില്‍ ഹണിമൂണ്‍ ആഘോഷിക്കുകയാണെന്നാണ് അടുത്ത വൃത്തങ്ങള്‍ വ്യക്തമാക്കിയത്.
ഗോവയുടെ പശ്ചാത്തലത്തില്‍ ഒരുങ്ങുന്ന കോമഡി എന്റര്‍ടെയ്നറായ ഡബിള്‍ ബാരലില്‍ ആസിഫ് അലി, സണ്ണി വെയ്‌ന്‍, സ്വാതി റെഡ്ഡി, ഇഷാ ഷെര്‍വാണി, രചന എന്നിവരും പ്രധാന വേഷത്തിലെത്തുന്നു.
