ജനപ്രിയ നായകനായ ദിലീപിന് ജൂലൈ 4 ഒരു നല്ല ദിവസമാണ്. ആരാധകര്‍ നെഞ്ചിലേറ്റിയ 'ഈ പറക്കും തളിക'ഉള്‍പ്പെടെയുള്ള ദിലീപ് ചിത്രങ്ങള്‍ തിയേറ്ററുകളില്‍ എത്തിയത് ഈ ദിവസമായിരുന്നു. സി ഐ ഡി മൂസ, മീശ മാധവന്‍, പാണ്ടി പട എന്നീ സിനിമകള്‍ ജൂലൈ 4 നാണ് റിലീസായത്.
2002 ജൂലൈ നാലിനാണ് മീശമാധവന്‍ തിയേറ്ററുകളിലെത്തിയത്. കള്ളന്‍ മാധവനും സംഘവും ഇന്നും ആരാധകരുടെ മനംകവര്‍ന്നു കൊണ്ടിരിക്കുകയാണ്. ലാല്‍ ജോസ് സംവിധാനം ചെയ്ത ചിത്രത്തില്‍ കാവ്യ മാധവനായിരുന്നു നായികയായെത്തിയത്. റാഫി മെക്കാര്‍ട്ടിന്‍ സംവിധാനം ചെയ്ത പാണ്ടിപ്പട 2005 ജൂലൈ 4 നാണ് പുറത്തിറങ്ങിയത്. ദിലീപും നവ്യ നായരും ഒന്നിച്ച് അഭിനയിച്ച ചിത്രം സിനിമാപ്രേമികളുടെ പ്രിയപ്പെട്ട ദിലീപ് സിനിമയാണ്.
