സിഗരറ്റ് വലിക്കുന്ന സ്ത്രീകള്‍ വഴങ്ങി കൊടുക്കുന്നവരാണെന്നാണ് രഞ്ജിത്തിന്റെ വിചാരമെന്ന് ബംഗാളി നടി ശ്രീലേഖ മിത്ര. രഞ്ജിത്തിന്റെ പെരുമാറ്റം ഞെട്ടിച്ചുവെന്നും അനുഭവം തുറന്നു പറഞ്ഞതില്‍ ഗൂഡാലോചനയോ സമ്മര്‍ദമോ ഉണ്ടായിട്ടില്ലെന്നും നടി മാധ്യമങ്ങളോട് പറഞ്ഞു. ഹേമ കമ്മീഷന്‍ റിപ്പോര്‍ട്ട് പുറത്തുവന്നതിന് പിന്നാലെയാണ് ബംഗാളി നടി ശ്രീലേഖ മിത്ര സംവിധായകനും നടനും ചലച്ചിത്ര അക്കാദമി ചെയര്‍മാനുമായ രഞ്ജിത്തിനെതിരെ ലൈംഗികാതിക്രമ ആരോപണം ഉന്നയിച്ചത്.
അതേസമയം ശ്രീലേഖ മിത്ര പാലേരി മാണിക്യത്തിന്റെ ഓഡീഷന് വന്നിരുന്നുവെന്നും എന്നാല്‍ കഥാപാത്രത്തിന് അനുയോജ്യം അല്ലാത്തത് കൊണ്ടാണ് പരിഗണിക്കാതിരുന്നതെന്നും രഞ്ജിത്ത് പറഞ്ഞു. നടിയോട് മോശമായി പെരുമാറിയിട്ടില്ലെന്നും രഞ്ജിത്ത് കൂട്ടിച്ചേര്‍ത്തു.