രാജാധിരാജയ്ക്ക് ശേഷം മമ്മൂട്ടി വീണ്ടും ബോക്സോഫീസ് വിസ്മയമാകുകയാണ്. ഇക്കഴിഞ്ഞ വാരം പ്രദര്‍ശനത്തിനെത്തിയ 'വര്‍ഷം' മെഗാഹിറ്റായി മാറുന്നു. സൂപ്പര്‍ ഇനിഷ്യല്‍ കളക്ഷന്‍ നേടിയ സിനിമ ഓരോ ദിവസവും കളക്ഷനില്‍ വന്‍ വര്‍ദ്ധനവ് സൃഷ്ടിച്ച് മുന്നേറുകയാണ്. സംവിധായകന്‍ രഞ്ജിത് ശങ്കറും മമ്മൂട്ടിയും ചേര്‍ന്നാണ് ഈ സിനിമ നിര്‍മ്മിച്ചിരിക്കുന്നത്. നല്ല കഥയും ഹൃദയസ്പര്‍ശിയായ രംഗങ്ങളും മമ്മൂട്ടി എന്ന മഹാനടന്‍റെ തകര്‍പ്പന്‍ പ്രകടനവുമാണ് ചിത്രത്തെ ഈ വര്‍ഷത്തെ ഏറ്റവും വലിയ ഹിറ്റാക്കി മാറ്റുന്നത്.
