മോഹന്ലാലിന്റെ മകന്‍ പ്രണവ് എന്ന് സിനിമയില്‍ നടനായി രംഗപ്രവേശം ചെയ്യും എന്നതാണ് ഇന്ന മലയാള സിനിമാലോകം ചര്‍ച്ച ചെയ്യുന്ന ഒരു വിഷയം. പ്രണവ് ഉടന്‍ നായകനായി രംഗപ്രവേശം ചെയ്യുമെന്ന് തന്നെയാണ് മോഹന്‍ലാല്‍ ക്യാംപിനോട് അടുപ്പമുള്ളവര്‍ വ്യക്തമാക്കുന്നത്. എന്നാല്‍ അത് ആരുടെ സിനിമയിലൂടെ ആയിരിക്കുമെന്ന കാര്യത്തില്‍ തീരുമാനമായിട്ടില്ല.
പ്രണവിന്‍റെ ആദ്യചിത്രം സംവിധാനം ചെയ്യാന്‍ തനിക്ക് താല്‍പ്പര്യമില്ലെന്ന് പ്രിയദര്‍ശന്‍ പറഞ്ഞു. “പ്രണവിനെ വച്ച് സിനിമയെടുക്കാന്‍ സന്തോഷമേയുള്ളൂ. പക്ഷേ അവന്‍റെ ആദ്യസിനിമ ചെയ്യാന്‍ താല്‍പ്പര്യമില്ല. കാരണം അത് വലിയൊരു ഉത്തരവാദിത്തമാണ്. ആദ്യസിനിമ അവന്‍ ഇഷ്ടപ്പെടുന്ന ആള്‍ക്കൊപ്പം തന്നെ ചെയ്യട്ടെ” - മനോരമ ഓണ്‍ലൈനിന് അനുവദിച്ച അഭിമുഖത്തില്‍ പ്രിയദര്‍ശന്‍ പറഞ്ഞു.
“പറ്റിയ കഥ ലഭിച്ചാല്‍ പ്രണവിനൊപ്പം സിനിമ ചെയ്യും. അത് എന്നുണ്ടാവും എന്ന് പറയാനാവില്ല” - പ്രിയദര്‍ശന്‍ വ്യക്തമാക്കി.